Saturday, May 31, 2008

ذكريات ومواقف ,, لا تـُنسى

هي متعة لا تضاهيها متعة
!!
الجلوس على كرسي عيادة الأسنان
قد تستغربون كيف هي متعة أو حتى إستمتاع
ولكن
أحب أن أفتح فمي على مصراعيه وأن يقوم الطبيب بمعالجتي
حتى شاءت الأقدار وإرتبطت بعيادة الأسنان
وبدلا من أن أفتح فمي
صرت أنا من اطلب من المرضى فتح أفواههم

.
.
.
صادفت العديد من الناس
ممن يحملون ذكريات سيئة عن عيادة الاسنان
بدءا من طبيب الأسنان نزولا الى الصوت المزعج الصادر من أدوات الأسنان
سأحكي قصصا صغيرة
عن هؤلاء المرضى ,, وإن كانت لديكم ذكريات عن عيادة الأسنان
شاركوني بها

.
/
\
/
.

" سبيجة "

فتاة صغيرة في الصف السادس
أتت إلي بصحبة والديها
كانت خائفة جدا ,, تبكي من شدة الخوف ,, ترجف من الهلع
.
ناديتها ومسكت يدها وسألتها :- ليش تبجين يالحلوة ؟
:
وما أن إنتهيت من السؤال
.
حتى " بط " إذني صوت والدتها
وهي تقول :- سكتي ,, اشكبرج تبجين ,, يالله قعدي خلصينا
.
بكل صراحة " أنا خفت من والدتها " التى لم تعرف كيف تتصرف في مثل هذه المواقف
:
سبيجة قامت تصارخ وتبجي وإرفضت الجلوس على الكرسي
وحاولت جاهدة تهدئة الوضع فتدخل والدها وقام بتصرف
" نرفزني "
.
" قام " الأبضاي
بمسك كتف ويد سبيجة بقوة
وأجبرها على الجلوس
وكان يتكلم بصوت عالي جدا ولم أفهم منه أي كلمة
إنبهرت وإستغربت من طريقة تصرف الوالدين القاسية معها
دون مراعاة لسنها وحجمها الصغير
فطلبت منهم الإنصراف وتركي لوحدي مع سبيجة
في البداية رفضت الأم ,, معللة بأن سبيجة لن ترضخ لي
ولكني أصريت على طلبي وموقفي
.
.
خرجوا وبقينا وحدنا
أنا وسبيجة
مسحت دموعها وبدأت بطمأنتها
تكلمت معها عن العديد من الأمور ,, عن مدرستها وعن هواياتها
وحتى عن السفر
.
صحيح أن الحديث أخذ وقت طويل من وقت موعدها معي
ولكن كان هدفي قبل البدء بالعلاج
هو تهدئتها وتقليل توترها و تغيير الصورة التى انرسخت في مخيلتها
عن طبيب الأسنان
.
وما ان ابتسمت سبيجه واسترسلت بالحديث
لدرجة أنها نست بأنها في عيادة الأسنان
.

حتى بدأتُ بتغيير دفة الحوار إلى البدء بالعمل
قمت بشرح مُبسط عن الادوات التى سأستخدمها
حتى لا تخاف مني ومنها
.
.
وما أن بدأت العمل رأيت سبيجة في هدوء نفسي جميل جدا
لا دموع ,, ولا صراخ ,, ولا حتى حركة توتر
.

وما ان انتهيت ,, حتى قالت لي سبيجة بأن خالتها أخبرتها بشيء أفزعها
من طبيب الأسنان
.
وهذا ما توقعته منذو البداية
.
أخبرتها الخالة المجرمة بان ما سيقوم به طبيب الأسنان قبل وضع التقويم
هو
إستخدام سكين
يقوم بقطع اللثة وثم استخدام عود حديدي وغرزه داخل اللثة حتى يثبت التقويم
.
.
صُعقت من الدهشة من هذه الخالة اللطيفة المجرمة
.
إن كان هذا تفسيرها وشرحها لطفل صغير بالعمر والفكر والفهم
فــ بالطبع ستكون النتيجة
طفل خائف ومعقد !؟؟
.
إن كان تصرف الوالدين هكذا ,, بلاشك ستكون النتيجة البكاء والصراخ والخوف ورفض العلاج !!؟
وستستمر العقده طوال العمر ؟؟

حالة سبيجة مكررة جدا ,, وصادفتها كثيرا بحكم عملي .. أطفال كثر يخافون
من طبيب الأسنان
بسبب الحكايات المزورة والخيالية التى يتلقونها من أشخاص وُجب عليهم طمأنتهم
لمثل هذه الأمور

/
\
/

قصة أخرى من القصص التى صادفتها ,, تحمل صورة هزت كياني
ولم أستطع نسيانها حتى هذه اللحظة
وإقتنعت بأن للعيون لغة نستطيع أن نفهمها من دون أي حديث

هي قصة عيون وفاء
.
هي تعاني من إعاقة في رجليها
أتتنى وهي على الكرسي المتحرك
وأثناء ترحيبي بها أخبرتني بأنها تخاف من شي إسمه
" طبيب الأسنان "
لأنه يعني لها
" الألـم "
تحدثت معها قبل البدء بالعلاج
وطمأنتها بأني سأعمل
" على أقل من مهلي "
.
طلبت من وفاء الجلوس على الكرسي وفتح فمها
.
ومن غير أن أشعر ولا حتى أعلم
.
لِمّ .. عيناي توجهت وإلتقت بعيناها قبل فمها
.
رأيت الكثير بعيناها
كانت عيون صامتة ,, تجهش بالبكاء بها لمعة حزينة
وخطوط حمراء تصرخ من شدة الألم
.
ومن شدة تأثري بالحزن الكبير القابع بعيناها
قامت عيناي بذرف الدموع
.
فعلاً.. ,, لا أعلم
عيناها نطقت بالكثير
أكوام من كلمات لا صوت لها
حزن ,, ألم ,, وحدة في هذا العالم الكبير
.
أدركت بأن العيون مرآة داخلية تعكس ما يكبته الإنسان
تعبر وتسطر العديد من المعاني العميقة التى تنهش وتفتك بهذه الروح البريئة
وتقتل هذا الجسد بلا رحمة

/
\
/

هو ,, رجل كبير في السن
كبير البنية ,, ملامحة شديدة ,, تدل على القوة والصرامة
حتى صوته كان جهوريا وحادا و واثقا جدا
وما أن جلس على الكرسي
.
حتى سألني :- بتطقيني إبره !! ؟
قلته له وبدهشه :- لا .. ما يحتاج تنظيف الأسنان إلى إبرة بنج !!؟
فقال لي :- الحمدلله ,, كلش ولا الإبرة
وبإستغراب شديد قلت له :- إتخاف من الإبرة
فرد علي قائلا :- اشلون ما خاف
شلي بعدني عن طبيب الأسنان غير الإبرة

/
\
/

في يوم من الأيام
أتى مريض هادئ جدا إلى عيادتي
طلبت منه الجلوس على الكرسي ,, فجلس ودار السكون التام
.
فـ إبتديت بتنظيف أسنانه
حتى وصلت إلى المنطقة الأمامية من الأسنان
.
كنت في قمة إندماجي في عملية التنظيف فهدوء المكان والمريض
هم من أجبروني على الإنقماس التام في العمل
.
فالمنطقة الأماميه تتطلب رفع الشفة العليا من الفم بواسطة اليد
.
ومن شدة إندماجي
لم أشعر..بأن صبعي منغرس في " خشم المريض " المسكين المغلوب على أمره
والذي لم ينطق بكلمة أو ينبهني بأن صبعي سد مجرى تنفسه

/
\
/

هناك الكثير من المواقف التى أمر بها يوميا في العمل
وهذه المواقف هي جزء بسيط مما أصادفه هناك
لا تنسوا
شاركوني مواقفكم مع عيادة طبيب
الأسنان
" إن وجدت "
.
.
..
ALdeNya

97 comments:

Unknown said...

شي غريب انه انا احب حب شديد الروحه الى طبيب الاسنان و ما اخاف منه من صغري اتوقع لانه كانت طبيبه الاسنان اللي كانت بروضه السيد عمر بالخالديه اهي سبب حبي لطبيب الاسنان كانت اتلعبني و اتلهيني لمه اقعد على الكرسي !
و من هذي الايام و انا حب طبيب الاسنان بس شي واحد اللي اخرعني الابره !! لانها حديد و كبيره لوووول


اخر مره رحت طبيب الاسنان توه قبل فتره كنت مريضه و حاجزه تبيض اسنان انزين اجلي الموعد لا بروح !!! و فيني كحه شديده و فلونزه قويه يعني الخشم مسكر و اكح و التبيض اطول 4 ساعات
بمعني "كليت هوا" النيرس اتقولي ليش جذي اسوين بعمرج
لوووول

فريج سعود said...

اولا انا ودي ازور طبيب الاسنان كل يوم لانها عندي متعة واعتبرها عناية شخصية بس المواعيد ودكاترة المستوصفات يتعلمون التحسونة براسنا
عندي صديق جراح اسنان قاعد نسولف جان يقول لي ضرس العقل مامنه فايده
تشيشت لان عندي اربع ضروس العقل بس مو متأذي منهم جان ثاني يوم اروح بنيد القار واقول حق الدكتور
قال لي شنو مشكلتك
قلت له ماعندي مشكلة بس يقولون ضروس العقل مامنهم فايدة وابيد اشيلهم
الحبيب عليه ايد مقاول
ما ابالغ اذا قلت انه باقل من خمس دقايق شالهم اثنينهم وما صدقته الا لما شفتهم بيعني
بعدين تحسفت ليش شلتهم ما منهم اذى ولا شي بس فراغة
--------
لا تطوفج ابلة عطيات الاسنان هم ببنيد القار طبيبة اطفال
--------
بعدين انتوا ليش تقصون علينا وتحطون لنا حشوة سلفر علبو احسن وتطول اكثر والواحد لي بطل حلجه يصير جنه مجرم
شفيها الحشوة البيضة ان شاء الله ما طولت بس شكل الواحد يصير شزينة
ولا بس حق الواسطات
--------
هل تتأثرين بالسلب او الايجاب اذا بطلتي حلج واحد تعرفينه
يعني هل تتغير نظرتج له ؟؟
:))

حنطفيس said...

ياحليلها سبكاهاوا

Mr_CHoCoLaTe said...

هههههههه

ما ادري ليش الناس تخاف من طبيب الأسنان

بالرغم اني كنت مفكر يوم من الأيام اصير طبيب اسنان بس غيرت رايي

لاني انطوائي ما احب اتعامل ويا الناس

و كنت كاتب موضوع في هالمجال و قصتي مع هالحلم

بالنسبه لتجربتي مع طبيب الأسنان

من أيام المدرسه و انا عادي اروح انظف

و الحين مرتين بالسنه انظف

آخر مره رحت كان عندي ألم باللثه التحتيه عند مكان ظهور ضرس العقل

عطتني الطبيبه نفس جل علشان يخفف الألم و يوخر الجرح

قالت اذا ما نفع تعال نشلع لك ضرس العقل اللي فوق علشان لا يضغط

قلت لو شنو ما اشلعه لول ابي اسناني احبهم هي هي

الحين احسن ماكو ألم و ناطر هالضرس يطلع هي هي


قاعد افكر بالتقويم بس محد راضي يعطيني كلمه

دكاتره يقولولي ما يحتاج و دكاتره يقولولي ركب

انتي شرايج دكتوره ؟

لان كل ما اروح اراجع و اطلع من العياده انسى اسئلهم اذا احتاج

و تدرين النطره يبيلي ساعتين علشان يوصل دوري

و هل اقدر اركبه حتى لو عمري فوق ال 21 ؟

اشكرج مع السلامه

7osen said...

بوست وااايد حلوة

حدي أستمتعت بالمواقف اللى ذكرتيها
وأسلوبج بالكتابة واايد حلو وشيق

شد إنتباهي وكان ودي يكون البوست أطول

:)

أنا عن نفسي صراحة أحب طبيب الأسنان
لإني دائماً لما أروحله أكون في قمة الألم وأطلع منه وأنا مرتاح

لكني أحب أكثر الدكتور إللي أحس إنه واثق من نفسه وأتطمن له

مره ماقدرت أنام من ألم مفاجئ بالأسنان
قمت بأخر الليل وخليت أخوي يوديني المستشفى
كان الجو وايد هدوء والدكتور كان شكله حده مندمج مشغل أغاني فيروز بصوت واطي ويقرا كتاب

حسيته يبي يشتغل الصراحة عالجني بضمير طلعت من عنده حدي مرتاح
وللحين متذكره وادعيلة والله

كان دكتور قمة

:)

sologa-bologa said...

اخر مرة دشيت طبيب الاسنان
سنة 1985 وماني مستعد ادشه مرة ثانية
مع ان الطبيب كان ممتاز وايده خفيفة
بس هم اخاف
اذكر في احدى الجلسات
الدكتور حط لي جـِل بس طعمه حامض
ونفس الوقت حط هوز او انبوب داخل حلجي وقال عض على الانبوب

انا ما صدقت خبر وصكيت بكل قوة على الانبوب

ما سمعت إلا الريال يقول
آآآي هذا صبعي

وحط جدامي ساعة رملية وقالي اقلبها اربع مرات وطلع
حاولت اغش واقلب الساعة قبل لا يخلص الرمل لكن الدكتور عارف الوقت

الظاهر كان يبيني اتسلى مع الساعة الرملية

وبس هذي اخر مرة راجعت طبيب اسنان
والحين اخاف اروح

مع اني مدخن بدرجة كبيرة
ومدمن قهوة بدرجة اكبر
لكن محافظ على اسناني
إلا من ضرس واحد طاحت حشوته ومينني
بس هم اخاف اروح الطبيب


ودمتم بحب وود وسلامة أسنان

شقران said...

العزيزة الدنيا
مساكِ الله بالخير

أمن المعقول تحبين الذهاب الى دكتور الاسنان

عن الغشمرة
:)


وبما إنك طلبت أن نشاركك في القصص

فإليكِ هذه القصة التي نقلها لي صاحبها وهو صديق عزيز


يقول لي على لسانه والقصة حدثت في أوائل التسعينيات


ذهبت الى مستوصف المنطقة وتحديدا الى عيادة الاسنان

وبعد أن رآني الدكتور قال لابد من خلع السن..فوافقت


وبعد أن خدرني

خلع السن...ولكنه خلع السن الخطأ..يقول مع إنه كان فيه سوس خفيف..بس قلت يالله ماعليه


اشوي وراح للمرة الثانية وشلع سن...لكنه شلع السن الذي لايؤلمني
:)

فقمت العن واسب و و و و و

وقام يهديني ويقول كان فيه سوس خفيف..وقلتله يادكتور لكنه مايعورني حسبي الله على وزارة الصحة اللي جابتك من الهند!!؟؟


ويقول..وبعد عناء خلع السن الذي يؤلمني


ويقول لي من يومها مادخلت عيادة اسنان حكومية




شخصيا...ما ألومة


حادثة غريبة نقلتها لكم كما قالها لي صاحبها



بعض الدكاترة مو مال عيادة بيطرية فما بالك بعيادة للبشر


لاحول ولاقوة إلآ بالله




مع وافر الاحترام والمودة



المحــــــــب/


شــقـــــران

mtfa2el said...

اوو تدرين لو في منج دكاترة اسنان معالجيني و انا صغير جان راح كابوس طبيب الأسنان من مخي
كان الصراحة فلم رعب طبيب الأسنان ..خصوصا النفسيات الحلوة من الدكاترة ..مع صوت الزززززززز و اهو يحفر بضروسك و الابرة اللي تنظف الضرس من داخل جنها تحفر بمخي من العوار
لي الحين اكره شي بحياتي طبيب الأسنان
ولما انسدح على الكرسي كله اقول استر يا ستار
اذكر مرة طبيب اسنان مصري.. الظاهر مستعيل و ماله خلق لا بنج ولا قالها الله و ياخذ الإبرة و يطق بالضروس شوي شوي لما حفر له و انا بس اصارخ و اهو يقول استنى استنى حنخلص دي الوأتي خلاص خلصنا ..قعد ثواني بس من العوار قمت أقول آآه نص ساعة
خوش موضوع يا دكتورة ؛ :)

J Daily said...

عندي خلل بأسناني وكل ما اروح للحكومة الاقي ازمات وتعقيدات وشوي خايف من الكلام إلي اسمعة
ويفلمون علي وروح وتعال.. واخذ ادوية
وامشي

لما تأزمت الحالة قررت اروح مستشفى خاص
المهم. بعد ابرة البنج ماحسيت بشي.. قعدت اسمع اغاني ومرات اغفي d-;
واصحى ساعة وخلصت وسلامتج (:

فراوله said...

مساالورد والجوري
غاليتي
وناسه انتي دكتورة اسنان
وانا مادري
غلاص عيل بحول علاجي عندج
:))
والله بالنسبه لي طبيب الاسنان
خوف ليس له حدود
وحتي لو بروح انظف اسناني اقول حق الدكتورة
غزيني ابرة بنج
لووووووول
:**

darkness said...

هلا دكتوره

يعطيج العافيه

انا شخصيا كنت احب طبيب الاسنان لانه كان طيوب معاي و دايما يعطيني استكرز

:p

بعدين لما صار عمري 12 سنه قالت لي خالتي عن الابره

ما كنت ادري لانه الطبيب كان يقول ل ي سكري عيونج

بعدها بديت اخاف اروح

!!

عثماني said...

مساج الله بالخير دكتورة

مشكلتي مع دكاترة الاسنان غريبة

اللي كرهني فيهم مو مسألة العوار او اصوات الاجهزة

كانت ريحة دكتور عالجني و انا صغير

كانت ريحتة قاتله .. ليلحين اتذكرها

حسيت ان كل اطباء الاسنان لهم هالريحة النتنه

اليما عالجتني دكتورة لبنانية اسمها نادية

الله يذكرها بالخير

ريحتها خنيييينة ... ومملوووووحة

فعسى الله يكثر من امثالج و امثالها

Fahad Al Askr said...

خوش حكمة

تــــ(حـنة)ــــر said...

انت عاملة ايه واخبارك ايه ؟؟
وحشانى بجد
و بعدين انا بجد اول مرة اشوف حد بيحب جو دكاترة الأسنان واللى بيعملوه
انا عن نفسي لما بروح وربنا يعافى امة محمد بيبقى قلبي فى رجلى من كتر الخوف
بس الحمد لله بيعدى

و بعدين بقى بيعجبك فت السنان حرام عليكى يا شيخة
ههههههههههه
ربنا يوفقك
وسلام
و متنسنيش بقى

kuwaitawy said...

مواقف مؤثرة بصراحه


بالنسبة لي انا ما احب اروح طبيب الاسنان

مو خوف ...لأ

لأني ما احب اعاني من الام الاسنان

mantovani said...

مساء الخير


انا ما عندي مشكلة مع طبيب الاسنان الحمدالله , و يرجع الفضل للوالدة
لانها كانت تحببني بالطبيب و انه عنده
الحل حق مشاكل الاسنان و غيرها

و كنت اخليها تدخل معاي العيادة و تجابلني لما اخر موعد تقويم لي و كان عمري 16

========

قبل فترة رحت عيادة الميدان مع زوجتي
اللي انقذتني و خلتني اروح اسوي تبييض و اصير حلو :)

و التبييض مدته طويلة

الظريف بالموضوع اني كنت نايم طول التبييض , و الدكتورة تضحك
علي




مانتوفاني

Abdulla Al Ameri said...

مرحبا و سهلا
دختورة

الصراحة انا احب اروح عيادة الاسنان و انا في قمة تعبي بعد الدوام عشان انام و لا احس بشي

فتى الجبل said...

سووووووري
بس آنا حدي اخاف من شي اسمه ابرة
لا وارجف بعد

Salah said...

I don't have any problems with dentists, well at least not here in the UK. But I had bad experience in Kuwait. A dentist once gave me, what I think, a wrong advice because istead of solving the problem I had alot of pain.

I try not to miss any appointment (the 6 monthly), but I have to say something about dentists is that going to their blogs is more enjoyable than going to their clinics!

:)

Hamad Alderbas said...

شخصيا كانت لي تجارب سلبية وايجابية مع طب الاسنان

لكن موضوع التقويم موضوع يحتاج لان يتعرف الناس عليه جيدا

هناك الكثير ممن يخجلون من التقويم وشكله على الاسنان , لكن في الحقيقة ان التقويم معبر حقيقي عن رغبة الانسان بالتغير في نفسه الى الافضل , وبالتالي فإن التقويم يعكس تحضر صاحبه الذي يبحث عن الابتسامة الجميلة في وجه الناس

حسام بن ضرار said...

تركت مراجعة عيادات الاسنان لفتره طويله استمرت من 1990 الى 1997

كنت ملتزما خلالها جداً بالفرشه و الخيط

الى ان عدت الى مراجعة العيادات مع تشهم احد الطواحن سبب عظمة صغيره طلعت لي بلقمة برياني لحم

هالكلام كان 1997 عقب ما هجرت اطباء الاسنان 7 سنين

عدت ... و يا لها من عودة مأساوية

اكتيفت بالحشوه المؤقته على ذلك الجزء المتهشم من الطاحن

و صبرت عليها الى سنة 2000

حيث اصبت بآلام الى حد الموت بسبب إلتهاب العصب

فعدت بحماس الى مراجعة اطباء الاسنان و اصبحت زبونا لعياده خاصه

و الآن لدي اكثر من خمس اسنان ملبسه بالتيجان و مسحوبة العصب

و ضرسين عقل مطشرين مخي

لكن الله ياخذ التسويف ... مادري متى براجع لهم

فقط اخشى ما اخشاه من مراجعة العياده هو وخز ابر البنج اللعينه

****
عندما أراجع العيادة مع ابنتي الصغيره
احرص على اعطائها وعد بالذهاب الى محل الالعاب بعد جلسة العلاج

فقط حتى اخفف قليلاً من مقاومتها

و تبقى زيارة طبيب الاسنان فكرة تجلب عوار البطن

5roofa said...

لووووول

امبي اخر موقف بدعتي فيي
ومع الطفله مو بعيده عليج وانتي ام قلبج طيب

امبي انا اخاف من الطبيب عموما و طبيب الاسنان اكثرر

اتصروع من الابر و الطيبة الوحيده الي اروحلها حق اسناني اهي خالتي لانه تحطلي هذا الجل مال اليهال لوول و تخش الابرة عشان ما اشوفها

وتي عرات هم تزفني لوول

الله يوفقج و يسير عليج امورج يااارب

salamz sis...

Mok said...

انا ما اروح طبيب الانسان الا للتنظيف وكل 6 اشهر ولا اشعر باي رهبه
:)

الحمدالله والشكر نعمة من ربي

على نفسها جنت براقش said...

انا احب اسنانى و من زود الحرص سويت كل ما تتخيلين

كان عندى ضرس واحد طالع عن الصف شوى مسبب لى ازمه من زمان

تخيلى سويت له تقويم بانواعه
اللى مثل النايت جارد و الحديد

بدون ما اشلع اى ضرس بس ابردوى باقى اسنانى شوى

العملية هذى خذت سنتين
وماكو مشكله

لكن التنظيف ماساة يعور

خصوصا الاسنان الاماميه

جربت الخاص و الحكومه ماكو فايده

Super Woman said...

قبل كنت ما اخاف

لما كبرت صرت اخاف من تزززززززززززززززززززززززززززززززززززززززززززززززززز


الصوت يزعجني

والتحفير يخوفني


دكتوري لبناني وخوش واحد
بس آخر مره الله يهداه اشتغلي واهو واقف
وطشر الماي بويهي
وشكله كان حصران !! مو عارف يركد

ثم قررت اتجه للخاص

دكتوري ممتازه
بس تخوف شوي

قالتلي عندي بدايه تسوس بمكانين وتبي تشوفهم
وقالتلي شيلي ضروس العقل
بس عقب ما شفت معاناة اختي
اللي شالوهم كلهم بيوم واحد
قررت الاحتفاظ باسناني احسن لي


انتي شتقولين ؟؟
اشيلهم ولا لا ؟؟

اخاف اتأذى
وانا اخاف بمجرد التفكير ان هالشغله راح تعورني


شوفيلي حل دكتوره

someone_q8 said...

السلام عليكم
اول شيء الله يعطيك العافية اختي الدنيا , لان جد المكان اللي تشتغلين فيه شغله وايد ومتعب
بالنسبة لدكتور الاسنان ما عندي اي مشكلة لان لما افمر في الم الضرس يهون علي اي الم يصدر من الدكتور لان عندي بالنهاية النتيجة مهما كانت الطريقة ,
لكن كل ما افكر بالعيادة اتذكر المواعيد فا اضطر اروح العياة الخاصة عشان افتك من المواعيد الغير طبيعية .
عساج عالقوة اختي

قلب طفله said...

الدنيا انا خواااااااافه

من شي اسمه ابره

و طبيب الاسنان عقدتي

اول ما اقرر اروح و اتشجع

اوصل للباب تثقل اريولي و اذا

دشيت اينن الطبيب :(

امبيه صج خوفي مو طبيعي بسبة دكتور

و انا صغيره حفر ضرسي و كسره

و عقبه شلعوا لي ضرس طلعوا عيوني

يعني اسم طبيب الاسنان رعب

عسى الله يفج عقدتي

و تسلمين ع المواقف و الذكريات

اللي شاركتينا فيها

Manal said...

الله يوفقج يا رب يا الدنيا

انا كان عندي عقدة من اطبة الاسنان

بس الحين
الحمد لله اروح وانا مرتاحة

ومو بس ازور مدونتج

راح ازورج بالعيادة بعد

:)

موفقة

bu-saad said...

خخخخخخخخخخخخ
سديتي مجرى اتنفس ...انزين ما مات عليج...لا تنفس بالخشم ولا سحب هو من الحلج

...............................

بس موطبيبة الاسنان تعب و لويه و لوعه!!
موفقه باذن الله...ودام انج دكتورة تقويم من الي فهمته....فبسالج؟؟

بعمرج شفتي واحد حاط تقويم 8 سنين!!
هذا واحد من الاهل...ضروسه مرتبه لكن طالعه لي جدام شوي...شلوا ضرسين الانياب و حطوله الجسر الدائم وتعدل لكن اول ما شالهم عطوه متحرك بس ما استخدمه ردوا مثل قبل


يعني 8 سنين ثابت و باجي العمر متحرك...شهالحياه هذي!!
ساعات ينسى المتحرك بقوطيه على طاولت مطعمفقام القارسون و قطه بالزباله خخخخخ متنا عليهمن الضحك لمن شفناه ينبش بالزباله عليه



خخخخخخخخخخخخخخخخخخخخخخخخخخخخخخخ


اناعن نفسي.دكاترة.. مستشفى التخصصي العدان....ربعي من كثر ما احفظوا ويهي

اسوي ضرسي بخاص وبعدها اكمله عندهم

Mamloo7a Q8ia said...

اسفه يالدنيا يا حبيبتي
ما اشوف متعه في زيارة طبيب الاسنان
انا ما عندي مشكله مع الاطباء لكن طبيب الاسنا مرعب
ما عندي ذكريات حلوه وياهم
بس اذا انتي بتصيرين دكتورتي يمكن اغير رايي
بس مو تصكين خشمي
هههههههههه
زين ما مات الريال مختنق

Najmah said...

عوروا قلبي سبيجة ووفاء :(

ابييه تدرين
ماحب اروح طبيب الانسان اخاف منهم
:(
يوم كنت بالابتدائي كنت اروح عند دكتور اسنان اطفال وكان حده عجيب وعمري مابجيت وكنت كل شهرين اروح له كان عادي عندي
بس بعدين
كل ماراوح حق دكتور عصبي :\
حتى لو ما تعورت وايد ابجي لأنه زفني
صج صرت اكره اروح طبيب الاسنان
حتى بالخاص آخرة مرة رحت حق دكتورة طول الوقت معصبة وتتحلطم
تعبت نفسيتي :\
اصلا كان الدكتور معطيني موعد قبل سنتين حق التقويم وكل مرة أأجله لما الحين مارحت
بس اذا عندج انا راضية :P

الحارث بن همّام said...

ما انسى موقف صاحبي يوم كان منسدح على كرسي طبيب الاسنان خايف

فيوم طلع الدكتور "الجلابتين" .. صاحبي لا شعورياً رفس الدكتور رفسة محترمة خلاه يتكرفس على اجهزة العيادة


الله لا يبليج بواحد جذي :)

أبــو بنــــدر said...

اللهم جنبنا الذهاب الى عيادة الأسنان وجنب عيادة الأسنان عن طريقنا

-----

: معلومه جانبيه

يقال ان أعلى نسبة انتحار في أمريكا هي لأطباء الأسنان ؟!؟

:)))))

Sn3a said...

توني ادري انج دنتست

احم
مادري
اخاف منكم
مع ان مع تطورات البنج
ماقمت احس بشي
بس اخاااااف

والمشكله اذوني اطبه الحكومه وواحد منهم حفرلي الضرس وايد لين قمت اغشي من العوار

فصرت زبونه عند الميدان والراشد

Najmah said...

تذكرت شي بعد
اخوي قبل كان بس يسمع اسم طبيب الاسنان يبجي ويصرخ
ماكنا ندري ليش
لأن الطبيب كان يطلع ابوي بره مايخليه داخل
بعدين بعد محاولات من امي وابوي
قال لنا ان الطبيب كان يهدده ويقول له ترى ارفسك والزقك بالطوفة
وهذا دكتور بالصحة المدرسية
مو حرام عليهم؟
:\

Blog 3amty said...

أييييييييييييييي


طبيب الأسنان !!


في فتره من فترات عمري قمت بزراعة سن تثبيت باللثة ولبسته وصار شحلاته !!


طاف على الموضوع سنتين تقريباً وبلش ألم ، والألم يزداد حتى وصل لمرحة لا تطاق راجعت الطبيب وسوالي أشعة، أكتشف أن هناك تليّف تحت السن والجسم رفض السن !!

بعد سنتين رفض توه يستوعب أن جسم غريب !!


المهم كان الإلتهاب قوي وعطاني مضاد عشان يخف تمهيدا للشيلة !!

بعد أسبوع زاد العوار أكثر قام يذبح !!


قمت ورحت قاللي الموضوع مو نافع والإلتهاب مو قاعد يقل عطاني مضاد أقوى من الأول وبعد سبوع ثاني رحت والعوار ما زال مع أنتفاخ بالوجه !!


قتله شيله بالطقاق اللي يطق اللإلتهاب !!

عطاني أكثر من أربع أبر، وبخاخ، وكانت العملية قمة في الصراع من أجل الحياة !!


عواااااااار قتله شيلة قال مستحيل أنته للحين تحس قتله عوار دكتور، المهم شاله وخيّط الجرح،

المضحك بالأمر أن من كثر البنج اللي أخذتها، طلعت من الطبيب، وحلجي أمبطل وعضلات ويهي خاقة كلها ماني قادر أحركها !!


ولي يومج وانا ماااا أشتهي طبيب الأسنان، ولا أشتهي شوفته !!

حتى مدونتج خايف أدشها لما عرفت أنج طبيبه :q






Blog 3amty

Q8 Chili سابقاً

بـابـل said...

صباح الورد


والله آنا أكثر شي ما أحبه طبيب الأسنان:(

لأن بالأبتدائي صارلي موقف مؤلم مع دكتور الأسنان خلى عندي عقدة مزمنة من طبيب الأسنان

شكرا لك دكتورتنا


وبس


بابل

ClOuDs said...

:|

أنا أكره شي عندي طبيب الأسنان

أخااااف منه :|

و ما أحب أروح حق دكتور أحب أروح حق دكتورة و مو أي دكتورة لازم تكون حنونه و حليوه عشان ما تزفني اذا تصرفت مثل اليهال :D

آخر كره رحت طبيب الأسنان قبل سنه بالضبط.. قالت لي الطبيبه ان ضروس العقل الأربعه يبيلهم شيل قالتلي اخذي موعد عشان نشيلهم.. من يومها لا خذيت موعد و لاشي.. أخاف :|

مشعل العوضي said...

السلام عليكم.
شكرا اختي علي زيارتج الكريمة.

و بالنسبه حق سوالف طبيب الاسنان اخر موقف حصلي قبل عدة اشهر.

وقتها كان ضرسي مكسور و التهب علي
فقررت اشيلة,ورحت حق احد العيادات المشهوره ليلا ولاكن الظاهر ماكان لي حظ معاهم.

صادفت دكتور مصري اول ماشفته قلت له بشيل ضرس مكسور قعد يطالعه 5 دقايق ولا يقولي اقدر اعالجه لك! عن طريق تنظيف الاعصاب و قلت له مابيك تعالجه ابيك تشيله و قعد يحاول يقعني انه ينظف الاعصاب حوالي 5 دقايق اخرى لين مليت اخر شي قلت مابي غصب!
المهم ياب عدته والمشكله انتو دكاتره الاسنان عندكم ابر كل وحده اطول من ثانية لو تغيرونها يمكن شوي انغير ر اينا عنكم.
علي العموم قزني 5 مرات ويا يبي يشيل الضرس ولا احس بعوار موطبيعي ,مسكت ايده حيل ادزه و اهو معرد معاي! الا يشيله و مشكله موقادر اتكلم و اهو بس يقولي معلشي معلشي و شاله و شال روحي معاه..
و نرفزني حده جني ياي حق طبيب بيطري مو طبيب اسنان.
و اشكره قلت له انت شكلك تشلع ضروس خرفان قبل و طلعت مشيت عنه , ولا يوم يت بحاسب قلت حق دكتوره ثانيه ماكو وصفه طبيه شي اخذها ولا تقولي اي بندول بس !.
و بصراحه هذي اول واسوأ تجربه امر فيها.
لاكن علي قوله المصاروه ياما حنعيش و انشوف.

Q8Sky said...

والله لي الحين اخاف من طبيب الاسنان !

اكثر مكان اكره اني اروحله !!

طبعا مع المصور والحلاق :)

charisma said...

:)))
يا حلالات الدكتووره والله
اذا انتى الدكتوره اكييد بنحب طبييب الاسنان
:**

والله يا الدنيا انا ما حبيت طبيب الاسنان الا من سنتين بس لما عرفت الدكتور فادى
ومن يومها حبيت طبيب الاسنان

ههههههههههه
اينن وشرح وايده خفييفه

من المواقف الى اضحك مع طبيب الاسنان ان انا مع الالم ارتفع فوق بدون ما احس بروحى
لوووووووووول
اجفس اركبى وارفع نفسى لوووووووول
ولا امسك ايد الدكتور
فمصخره الوضع
:))

عورت قلبى قصه وفاء
:((

فعلا العيون تتكلم وتفضح بعد

عروس البحر said...

اكره طبيب الانسان
كره العمي

عروس البحر said...

بتعقد من دكتور السنان لدرجة اني بكره اغسل سناني

Selezya said...

ههههههه ياحياااتي تهبليين

انا صراحه بالعكس احب اروح حق دكتور الاسنان والتزم عشان يجيك على اسناني وانا دكتوري واحد دايم اروحله اهو هندي بس اينن لكن للاسف السستر اللي معاه تبببببببببببببط الجبد واي من ادش تقعد تقرق تقرق تقرق تقرق ماتخللللللصصص وحاسه بالدكتور لايعه جبده وكل مره تتحلطم لوووووول يعني انا والله ماحب اروحله من هالسستر

:D

واي ترا انا بعد اكره الابره

حياتي هدف مو عبث said...

الحمدلله ما عندي مواقف مع طبيب الأسنان


:) والله يعطيج العافية على أسلووبج في التعامل مع مرضااج

momken said...

والله لو عملتى ايه حتى
يبقى طبيب الاسنان و سورى الكلاب و العفاريت هما خوفى الاساسى

تقوليلى ادوات وتقوليلى رهبه
ونفسيا ومش عارف ايه متحوليش

طبيب الاسنان لا يعنى الا الوجع
وافتح بقك علشان يبدا الالم


ههههههههههههه
انا بهزر طبعا بس كنت كده لفتره طويله
وفقك الله

تحياتى

~FaHaD iN MiND~ said...

mo shar6 il ahal y5ar3onch sometimes il ahal y7abebonch eb 6abeb lasnan bs il dektor nafsa ykarhech feh o sout il ajheza aktar wakthar .. i hate 6abeb lasnan o lail7en akhaf mena :)

`~MnO YeNSa! ~` said...

ana a7eb el 6eeeb :)


wlaht 3leyour blog :*

7lw esmii bel 3nwaan
:Pp

the.thinker said...

اول شي تسلم ايدج على هالبوست .. تصدقين انا ملاحظ شغلة .. على دكاترة الاسنان ماشاء الله عليهم .. يحبوووووون وظيفتهم بشكل كبييير غير عن وايد من الوظايف الثانية ،، عسى الله يتمم عليكم بس بعرف شنو السر !!

وشكرا لج

Tamer Nabil Moussa said...

ازيك اختى العزيزة

كيفك اخبارك اية
---
دكتور الاسنان كتير يخوف مثل الم السنان لان الدكتور مربوط بالجرح عشان كدة يخوف لكن عملة انة يطيب الجرح وانا مع كلامك وضد اللى يرمون بكلام يخوف الى الاطفال

تحياتى

صقر قريش said...

ويبقى طبيب الأسنان عقدتي:).

بو محمد said...

قصص معبرة و ثرية حقيقة
شكرا على السماح لنا بالمشاركة في ذكرياتك
دمت و الأحبة بأحسن الأحوال

بـنـت بـطنـهـا said...

الحمدلله اني لقيت احد اشاركه الأزمة النفسية اللي حايشتني من سنتين :(

أولا يعطيج ألف عافية على هالبوست ومواقفج كانت مشوقه ياليت تحدثين البوست بين فتره وفتره وتكتبين لنا من هالمواقف لان بصراحة كان جدا ممتع بالنسبة لي

خل أقص عليج قصتي .. من يوم كنت صغيره وانا ما أعرف طبيب الأسنان حدي حدي سستر الروضه والابتدائي والمتوسط
بس كان كل من يسألني شنو المعجون اللي تستخدمينه وشنو تسوين حق اسنانج ..
أول مره دخلت فيها عيادة أسنان بأمريكا أيام الدراسة أيامها كان عمري 16 سنه الدكتور انصدم انها أول مرة ادخل فيها وما رضى يصدق .. بعد ما طلعت منه اكتشفت ان الموضوع ما يتعدى العشر دقايق ولا فيه أي عوار فحبيت السالفه وزاد ولعي بطبيب الأسنان .. صرت كل ست - 8 شهور أمر طبيب الأسنان حتى بعد ما رجعت الكويت حتى دكتوري بالمستوصف الله يذكره بالخير كان وايد مستانس اني منتظمه ..
لين بيوم اغبر لول جد جد كان أغبر رحت حق المستوصف واخذ رقم وقلت لهم ابي دكتور محمد .. جان يقولولي دكتور محمد خلاص طلع .. جان اقول ويييه شهالحالة 5 سنين وانا معاه شلون باروح حق احد ثاني الحين .. يالله ما عليه منو موجود .. جان يقولولي دكتور فلان كويتي .. جان اقول يالله كويتي كويتي واخذ الرقم وانطر ..
دخلت :(
ياليتني ما دخلت قالي قعدي وقعدت
بدا عملية التنظيف اللي انا متعوده عليها لكن هالمره شنو؟؟
لاحظي ان رن تلفونه وهد الجهاز ورد عليه .. تالي ما هياه قلبه حكر التلفون بين اذنه وجتفه واهو يشتغل .. بعدين رحمني شوي وسكر التلفون .. ما ادري منو يطق الباب يوقف يرد عليه ويرجع يكمل العذاب اللي كان يسويه فيني .. ما خلصت إلا وانا طالعه روحي من العوار
تخيلي اني قمت تيشيرتي كله دم وخلصت قوطي كامل بالسيارة ولا وقف الدم .. أتوقع مابقى مكان بلثتي ما طقه بالجهاز .. وتميت يمكن ثلاث ايام ما اقدر اكل ولا اشرب لا حار ولا بارد .. ومن سنتين وانا كل يوم اقول باجر باروح ومن يصير باجر اذل واهون واقول لا لا باجر باروح :(
سوالي عقده الدكتور ولاحظي ان كان مجرد تنظيف .. يعني التنظيف اللي ما احس بشي فيه صرت اخاف من عواره
فاذا عندج حل ياليت تقوليلي
لاني قايله حق ريلي بنج عمومي ولا ماني رايحه
هذا الدكتور شكله كان عنده طموح يكون قصاب بس ما الله كتب

ولد الديرة said...

الله يسامحج

طبيبة اسنان واعلق عندج
!

بتغزيني ابرة؟

:p

elq87obi said...

أنا الله يسلمج علاقتي مع الأسنان و دكاترة الأسنان معدوومة مثل علاقة الكويت بوكالة ناسا الفضائية شفتي شلون ما لها علاقة فيها كلش أنا جذي :) <<<< طاعي شلون يفهم لوول

و شدي حيلج مع البيشنت حطي حيلج و حرتج فيهم لووول بس اهم شيء بعيد عني

يعطيج العافيه


سلامي لج :)

Anonymous said...

كل داكتره الاسنان قصابين
ولو في حل مايخلينا نلجى لكم سويناه ولا نطيح بيدينكم

تــــ(حـنة)ــــر said...

انتى فين بقى
منتظراكيييييييييييي
سلاممممممممم
وحشتينى كتيييييييييير

kuwaitawy said...

WWW.KUWAITYON.BLOGSPOT.COM



مدونة جديده تتشرف بزيارتكم

Anonymous said...

كل عااااااااااام وانتي بخييييييييير يا الغالية
هابي بيرثدى توووووووو يووووووو
حبيبتيى

خالتج
7/7/2007

Anonymous said...

كل عاااام وانتي بخير وصحه

يالغاليه

والعمر كله يارب

وعقبال ما نفرح بالتخصص وتردين رافعه راسنا وتستاهلين كل خير

ونشوفج عروس يارب وتاخذين الي في بالي
E,S,k
P)))

kuwaitawy said...

عسى ماشر


قاطعه؟؟؟



اتمنى ان توصلج رسالتي ونتي بخير وصحه وعافيه


المهم

اليوم بوستي اهداء لج :)


http://kuwaityon.blogspot.com/2008/07/blog-post_09.html

Najmah said...

ويييييينج

فقدتج:*

kuwaitawy said...

من صج

من صج




ويييييييييييييييييييينج؟

لؤلؤة said...

الحمد لله علاقتي بدكاترة الاسنان مشرفة
من عمري 10 سنين وانا أراجعهم
والحين كل 4 أشهر علشان التنظيف ومرتاحة
:)

قلب طفله said...

عسى ما شر خيتوو

فاقدييينج

هذيان said...

عسى المانع خير طولتي

Anonymous said...

خوووش موووضوع دكتورتنا ...


بالنسبة لسبيجة ... شالدفاشه ..؟؟!!

توها صغيره لازم تحايلها ..

وحتى لما تكبر بالمحايل ...


بالنسبة للزيارة طبيب الاسنان

صراحه ماحب ازوره كلش

وبفضل من الله ماعمري رحت عيادة الاسنان الا مرتين يوم كنت صغير ..

بالاضافة الى الصحة المدرسية اللي بالمدرسة قبل يعالجونا ...

والله لا يودينا له ... جذي احنا اوكي

Qanoonya~6moo7a said...

أتمنى تكونين بخير إختي


طولتي الغيبة

:(

Anonymous said...

لو سمحتي
ابي اميلج

Dionysus said...

عمري 20 سنه و ضروسي رايحين فيها
و ادري مو زين بس ما اقدر اروح
عندي اتقولين اذبح نفسك و لا اروح حق دكتور الاسنان

اذا عندج بنج عام قوليلي

mowa6en said...

الووووووووووو ..
في أحد هني ؟؟

kuwaitawy said...

الدنيا



ضايق خلقي من غيبتج احس ان في شي صاير لج


ترى صج طولتي


اتمنى انج تكونين بصحه والف عافيه

هذا اللي اتمناه من كل قلبي


مع اني احس ان اكو شي صاير يالله سترك





اتمنى انج تعودين

bu-saad said...

المانع خير انشالله!!
لا تطوليين:)

Anonymous said...

اختى دنيا
مكانج مبين واتمنى ترجعين للتدوين

ReLaaaX said...

وينج يابنيه !؟




لاااااااتغطين الله يعافيج

charisma said...

مبارك عليج الشهر
ومن عواده حبيبتى
:)

Brilliant said...

مبارك عليكم الشهر
و كل عام و أنتم بخير

أرق التحايا
عبدالله

:)

Super Woman said...

طولتي علينا

شسالفه يبه ؟

عسى المانع خير

Desert-Roses said...

The best post for the day :)

malak said...

لما قريت الموضوع تذكرت نفسي

السنه اللي فاتت كنت اعالج عند دكتوره مجرمه كانت تقولي لازم اروح كل يوم و تعبت وايد و كل يوم ابره و الا ثنتين و فوق كل هاذا احس بألم وايد ما يتخدر موضع الابره

و الحين بركب تقويم و عندي جراحه تلبيس و زراعه :S

و مأجله كل هاذا

اروح و اخذ موعد بس ماروح وقت الصجيه :(

As YoU LiKE said...

وينج؟

darkness said...

كل عام وانتي بخير
وتقبل الله طاعتج

عيدج مبارك

:)

Anonymous said...

عيدج مبارك

Blog 3amty said...

وينج وعيدج مبارك :)

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية :

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

بانوراما said...

انا دم ضروسي شي اسمه طبيب اسنااان

من كنت صغير لحد الحين عندي عقدة من شي اسمه طبيب اسنان

امنية said...

طبيب الاسنان !

مشكلتي مع طبيب الاسنان بدأت عندما نـمى جسمي و تجاوزت ال 14 من العمر !

في صغري لم اكن لاخاف من شيء يدعى طبيب الاسنان و كان اخي الذي يماثلني في سن يرتعب رعبا كاملا من اسنان الطبيب عفوا اقصد من طبيب الاسنان !

عندما كانت تصطحبنا والدتنا الحبيبة الى عيادة الانسان دائما اكون حقل التجربة الاولى ليرى اخي مصيري فيقرر اما الهرب و اما الخضوع !
و لهذا السبب كنت اؤثر الصمت و اتظاهر بالقوة ارغم الالم .

اما اليوم فقد فان ( الاول تحول ) ما ان الامني سني الا تناولت المسكنات حتى لا اجبر على زيارة طبيب الاسنان .

حقا ان عملك شاق يا اخيتي و لكنهم يقولون دائما ( الاجر على قدر المشقة )
اثابك الله .

momken said...

انتى فين من زمان

خلينا نطمن عليكى

تحياتى

bu-saad said...

ها ما صارت اخيه...ترى طولتي...مو زين
؛)

mantovani said...

سيدتي العزيزة

اتمنى الا تكوني في ظروف غير مريحة او غير ملائمة

الكثير من الاشخاص هنا في عالمك الخاص

يودون ان يطمئنوا على من شاركتهم بعض الخصوصيات الرقيقة في بلورتك التدوينية


اتمنى الا يطول الغياب

و الى ان نلتقي ... كوني سعيدة

مانتوفاني

شذرات said...

حلوه القصص الي ذكرتيها عن مرضاج

وانا لي قصه يمكن تضحك

::

كنت اول مره اراجع طبيب اسنان

و كانت دكتوره مصريه

عاد انا كان ضرسي ذابحني و متكسر

فـ اهي اشتغلت فيه و اشتغلت

قالت لي انها شالت العصب

اوك يعني المفروض ما احس بشي

لكن مادري شنو سوت ولا صرخت صرخه من الالم

حتى اهي اخترعت منها

تقولي .. ايه مالك في ايه :)

قلت لها الم عورتيني

جان تقولي المفروض ان العصب تشال

:):):)

و كانت آخر مره ازورها

غيرت العياده

:)

JiBLa CiTY said...

يعني انتي طبيبة اسنان؟

اييبلج اليهال تجابلينهم؟

الاميري شلعوا ضروسهم شلخونا

Anonymous said...

نوووته كيووت ,,

وانتوا ليش مستغربين من اللي مايحب طبيب الاسناان ,,
عادي انا ماحبه ومتخصصه علمي وباقيلي سنتين وخلص
وراح ادش تخصص طب اسنااان وفوق هاذا ماحب اراجع واخاف منه بعد

وعندي ضرس الدكتور عطاني مهله شهرين اذا مانكسر اروحله وطبعا انا استحااله اسويه
اكو احد يروح للموت بيده لووووووول

vancouver said...

الدنيا
وييييييييييييييييييييييييييييييينج


??

طمنينا انج بخير


ولهنا علييييييييييج

Shaima'a Alkandari said...

الدنيا




اين انتي

Anonymous said...

عيدج مبارك مقدما

Eng_Q8 said...

كل عام وانتي بخير :)