Saturday, December 8, 2007

نتيجة الطرارة



حينما يجتاح القحط جيب الإنسان
و تتساقط بين يديه مجلة من مجلات آخر صرعات الموضة و الأزياء

يُصاب بحالة كبت وصراع داخلي
وإنفعال مصحوب بإنفلونزا الشراء

حينها لا يستطيع اللجوء

إلا

إلى والديه
وتحديدا
والدي
الإنسان الذي يمدني بكل ما أحتاجه بمجرد ما أن أطلبه

هرعت إليه
راجية تزويدي ببضع وريقات نقدية

أخبره
" يبا ,, بروح السوق وجيبي إمصفر "


يرد عليّ
" ما عندج شغل إلا السوق ,, أكيد ورا السالفة أمج !! "


أصاب بالدهشة
فـ والدتي بريئة من هذا الإتهام

أرد عليه
" لا يبا مو أمي "

أنظر إلى مجلتي التى أمسكها بيدي وأخبرها
" اششش لا تتكلمين "


أرد على والدي
" بروح أشتري ملابس الشتا
"


يقول لي
" يبا ورانا بنيان ,, وما عندي فلوس ألحين ,, كل اللى في بوكي حق العمال وملابسج ترس الكبت ...... الخ الخ الخ "


سيمفونية تكرر على مسامعنا دوماً نحن الفتيات
!!
وبعد حن وزن وإزعاج
لم يأتي بنتيجة

قمت بــ لبسِ جلباب

" كسر الخواطر "

مصحوب بــ دمعة تترقرق على العينين
لزوم إتمام عمليه تزويد الجيب بالنقود
كررت الزن والطلب
بصوتٍ يشبه نغمة كلاسيكية رومانسية
ولكن


يا جبل ما يهزك ريح


لم تنفع محاولاتي بالإستيلاء على ما تحتويه محفظة والدي

هنا
غيرت دفة الحديث

من الحصول على أوراق نقديه
إلى الحصول على قطع معدنية
حفاظاً على ماء وجهي الذي إنسكب هدراً


قلت له
" يبا عندك صندوق قدييييم , صار له سنين وبنين
ومليان قطع نقدية , إشرايك نفتحه وتعطيني قسم منه
وأنا أحوله إلى عملتنا الورقية


نظر إليّ ولسان حاله يقول
" إشهالبنت الطرارة "


فجأة

قال لي
" تبيــــــــــن "
قلت له والفرحة مش سايعاني
" إيــــــه "

وقلبي يصرخ

ويدوي كصيحات جمهور النادي العربي العريق

حينما يسجل أحد لاعبي النادي هدفا في مرمى القادسية

" هـــيـــــــا "


علما بأن والدي قدساوي


ذهبت معه إلى غرفته
فــ فتح الــ


وأخرج صندوق من بين مجموعة صناديق
كان الصندوق خشبي مطرز بنقوشات ذهبية
فرحتي كانت كبرى
وكأنني حصلت على الجائزة الأولى من أحد البنوك

قال لي أبي
" إجلبي لي قطعة خام "
وبشرط أن تكون بيضاء

فقمت بإحضار
" غترة "


فرشناها على الأرض
ففتح الصندوق وأفرغه من محتوياته على الغتره

وقال
لديكِ نصف ساعة فقط لحمل ما تستطيعين حمله


كم كنت سعيدة بجملة أبي الأخيرة
نصف ساعة أجمع فيها ما أريد
يالــ فرحي ويالــ سعادتي

ولكن
أثناء القيام بعملية الجمع
لم أكن أدرك بأن النصف ساعة تمضي كأنها جزء من الثانية

وإليكم ما تمكنت من جمعه خلال تلك المدة

















قد يتبادر إلى الذهن بأن ما قصده والدي بــ حمله
هو أخذه
ولكن
يا فرحة ما تمت
كان يقصد تصويره
والإحتفاظ بــ صور القطع النقدية فقط لاغير

ربما للموضوع بقية مع قطع نقدية
الدنيا

76 comments:

Doaa Ebrahim Aaql said...

قطع نقدية نادرة جداً
وقيمتها عالية

حذار إنك تهدريها
أو تقومى بتحويلها
أو بيعها

هى كنز فعلا
له حق أبوكى يحتفظ بيها
فى هذا الصندوق الجذاب

.
.

تحياتى

Aldenya said...

princess dodo

متخافيش
هو خلاني أصورهم بطلعة الروح
وبمجرد إنتهائي
خذاهم مني ورجعهم للصندوق
وقفل عليهم
وأخضعني لعملية تفتيش بجهاز كشف المعادن
:>

صبا said...

هااااي شنو هذاالصراحه عملات غريبه عجيبه خصوصاالاولى اول مره اشوف
مثلها سألي الوالد شنو اسمها؟؟؟
ولاتنسين دليني مكان التجوري علشان اسطي عليه ؟

حلم جميل بوطن أفضل said...

أتوتا شتصير لك؟

مالت رجاء محمد؟

أعتقد أول عملة يسمونها طويلة الحسا

بس كله صوب و الصندوق نفسه بصوب

Aldenya said...

صباتبيني أدليج مكان تجوري أبوي
فيها قبايل
وبالنسبة للعملة
طويلة الحسا أو الأحساء هي عملة تم تداولها في اقليم الأحساء وماحولها في القرنين السابع عشر والثامن عشر الميلاديين وهي تنقسم لثلاث فئات ذهبية و فضية و برونزية وشكلها غريب اذ تشبه مشبك شعر صغير
واللى بالصورة
البرونزية والفضية
وإن شاءالله فادتج هذي المعلومة :>

/
\
/

حلم جميل بوطن أفضل
بصراحة اتوتا ما فهمتها :/
وبالنسبة للعملة
عدل كلامك هي طويلة الاحسا
وعلى فكرة هالتجوري مو لنا
متسلفته من الانترنت
أما العملات فهي للوالد
ولديه كمية أكبر من المعروض
وسوف أعرضه لاحقاً إن شاءالله

غريب said...

هذي قطع نقديه نادره لو تبيعينها تملينين

Aldenya said...
This comment has been removed by the author.
Aldenya said...

الله يسمع منك ويعطيني ياهم
وأنزلهم بمزاد

S-Q8 said...

shakla fe kharda Qadema wayed.. ya7lela el waled 3enda interesting hobby!

Aldenya said...

Ni3Na3aH
هلا والله
من ناحية العملات
هوايته جمع العملات والطوابع والقلاصات
والعملات خصوصا تمتلك النصيب الأكبر في التجميع

:>

Tamer Nabil Moussa said...

قطع نادرة

تمثل تاريخ

خلى بالك عليهم

ولاتفرطى فيهم


ربنا يوفقك ويكرمك


تحياتى

Aldenya said...

Tamer Nabil
عمرك طويل
للتو كنت أذكرك بيني وبين نفسي
" سبحان الله "
العملات عند أبوي
ماعطاني ياهم
إلا للتصوير فقط لا غير
":>
شكرا لحضورك

فراوله said...

مساالورد والجوري
غاليتي
احلا دنيا
خنت حيلي نهاية الطرارة
طلعتي بلوشي
:)
بس تدرين الوالد عنده
كنوز نادر مايملكها
انسان
دمت بدفء وعذوبه
ابدا
:)

سيدة نفسي said...

هذا كنز بحد ذاته صراحة

انا من عشاق الآنتيكس وكم أسعد حين اراها لأنها تخفي اسرارا كثيرة وتحمل في طياتها تاريخ طويل

هنيئا لوالدك ولك به :)

Aldenya said...

فراوله

هلا بالحلوة العزيزة الغالية
تدرين
أنا ما طلعت بلوشي من السالفة
بالعكس
كسبت حضورج عندى
:>
وتسلمين على هالطلة


/
\
/

سيدة نفسي
هوايتك تتشابه كثيرا مع والدي
يهوى الأشياء القديمة
ويحب المحافظة عليها
أما العملات
فهذا جزء قليل جدا مقارنة بما يمتلكه
وإن شاءالله
سأعرض لكم جزءاً آخر
شكرا جزيلا لحضوركِ

mtfa2el said...

ترى لو يبيعهم يكفيج هدوم خمس شتويات
احب هالهواية ..الله يهنيه

mowa6en said...

هني المتعه ، كل طرارة اسرية لازم تمر بالمراحل المعتادة .

طلب ^ عدم موافقة ^ عناد ^ تيبيس راس ^ كلام طيب ^ بعدين تيي الموافقة .


موضوع الصندوق الذهبي عجبني ، ونترقب البقية .

وشكرا على السؤال

Q80 Blogger said...

كانت لي هذه الهوايه في السابق

بس العملات الي مصورتها شي نادر وقوي

ما اتوقع راح يستغني عنها الوالد لو مو بس اتغرقين روحج بالدموع .. لو شتسوين

وهل مره لاتبطلين مجلات ماركات عشان لاتقهرين روحج :)

U_SF said...

مشالله عليه الوالد عنده عملات عريقه ^_^

خوش قصّه وخوش سرد للأحداث والله
استمتعت بقراءة القصّه لوول : ))

أهم شي التمصلح ;pP~

الله يحفظ أبوكم ويخلّيه لكم ^_^

Q80MINI said...

Abi eltijoori mn wen shareena?

Selezya said...

لوووووووول
لوووووووووول
خوش حرركه
تدرين انا انتحر اذا صار جذي واخذهم مني
بس صااجه حاله وايد تمر لكن وياي تمر بسهوله
< دلوعه ابوها لوول
:p
عسا الله يطوول بعمر الوالد انشالله

فتى الجبل said...

مالج الا الطرارة عند المسيد..تييب فلوس وايد
بعيد الشر عنج

Anonymous said...

العملات شي مو طبيعي
ومبين عليها اثرية وقديمة
يعني ما انصحج تبيعينهم على شان تشترين لج ملابس
فكري فيها اكثر
تحياتي

Manal said...

الاخت دنيا

الصراحة شي حلو

ديري بالج تضيعينها
او تروح منكم

وبعدين دامج نشرتي هالسالفة على النت

كثري القفول على البيبان

لوول

لا تنباقون

:-)
اتغشمر


بس الصراحة هذا شي ثمين
الله يخليلج الوالد
وكل من تحبين


بس ذكرتيني في بيت وحدة من البنات لما كنت ازورها
كان في غرفة ما نقدر ندخلها
ممنوع علينا

بس الفضول كان كبير وايد عندي ونطرت ابوها يطلع ودخلت وانبهرت بالانتيك الي موجود فيها

راديو قديم
واشياء واااايد



تحياتي

Eng_Q8 said...

ودي اعرف العلاقه التاريخيه بين المرأه والسوق
ليش تحب المره السوق ماادري يبطون الجبد

بعدين تعالي حسي بابوج الريال وراه بنيان
مشكله الي ايده بلنار مو مثل الي ايده بالماي

وبعدين تعالي طلعتي عرباويه :(((((

خلاص خلي ابوج يكتب بدالج انا مااقرى الا حق قدساويه :p

وبالنسبه للعملات اشرايج اعطيج 500 دينار وتعطيني اياهم ؟؟؟

ス ♥•:*'˙ ريـــــمـــيــة˙*:•♥ス said...

مساء الورد


والله يا دنيا حالنا واحد ...مع هالسوق على قد مااشتري الا اني ابي أكثــر :) لازم نشوف لانفسنا حل .. لو حاطينها في بنيان احسن من الخلاقين << كلام امي :)ـ
ومشاء الله على القطع المعدنية نارده وثمينه انتبهي تفرطين فيها :)

كالعاده يا دنيا اسلوبك وتصويرك كان من اروع مايكون

اختك ..ريم

أبوسويلم said...

بصراحة يا اختى العزيزة زما تزعليش منى
انا كنت هازعل جدا من والدك لو كان فرط فى المجموعة الرائعة دى علشان تشترى بعض الملابس
انا اللى لفت نظرة قطعة معدنية مكتوب عليها عشر قروش من فترة الحكم السلطانى لمصر
والفترة دى كانت قصيرة جدا
فتخيلى القطعة دى لوحدها تساوى قد ايه من الاموال
وبعدين كتر خير الرجل انه خلاك تصورى المجموعة الجميلة دى
اهنيه من صميم قلبى
ولو محتاجة اى فلوس اوعى تخجلى واطلبيها منى
وانا مستعد اشوف شخص يسلفك ويسلفنى
تحياتى
والسلام

عالية said...

وااااااااااااااااو

شي غريب وعجيب الظاهر الوالد يحب يجمع العملات..

الله يخلية لج ويحنن قلبة ويعطيج فلووس :p

بس عااد لي نسبة:p

J Daily said...

الصراحه شي قوي
انا عندي هوايه ايمع عملات

بس اقدم عمله عندي من سنة 1900

وابوج عنده عمله 1801 نفس كلام دودو

العملات ثروه

روحي المثنى في جم محل
لتحف

لو عمله من سنة 1900 عادي بـ20 دينار


انا بحط عملاتي بصندوق واعطيه حق حفيدي (:

Salah said...

ما شاء الله

رؤية هذا الكنز تكفي لكي ينسى الانسان السوق والموضة.

السؤال الذي يطرح نفسه:

هل نسيتي السوق؟

تحياتي لك وللوالد القدساوي

بنت الصالحين said...

ههههههههههههههههه ياعينى ع البنات
مافيش فى دماغهم غير اللبس والمجلات :p
ماليش دعوه تجيبيلى زى اللى هتشتريه لنفسك :p


سلامى يادنيا

AnGlOpHiL said...

بيعيهم و روحي السوق

فرساتشي عندهم خوش ليمتد...شي يطير العقل..هم يعتبرون تحف ;)

و اخذي حق الوالد جم خاتم علشان لايزعل عليج

Najmah said...

لوووول

الله شنو هذاا

احب الاشياء الأثرية :)

خونمم said...

عملات قديمة مالهاش قيمة
انا ممكن اخلصك منهم اكيد عاملين زحمة و كركبة في البيت
و علشان خاطرك انتي هاخلصك منهم ببلاش مش هاخد منك غير تذاكر الطيران
ههههههههههههه
لا بجد مجموعة هايلة جدا
اوعي تضيعيهم
اقصد الصور طبعا
هههه
سلام

Outkasty said...

LOOOOOOOOOOOOOOOL! allah yekhaleellich ahalich o yekhaleehom lich golay ameen;*


sij ene Qadsaweya LOL bs ma yemna3 enna Postich 7elow o ma gedart ella o a3alliq feeeh :P

lol, ma buga shay 3al ma3ashat kelha 20 yom =F

الحارث بن همّام said...

يصير بهالقطع أروح دبنهامز واشتري هدوم الشتا؟

ezain_kilah said...

والله كنت برتكب فيج جريمة لو كنتي بتاخذينهم وتبيعينهم

ماشاالله الصور حلوة
وأماالملابس... شفيها التيشيرت والجينز وفوقهم جاكيت هارلي؟

الـفــــجـــ الــبـــعـــيـــد ــــــر said...

هااااااااهااااي حلوة!!!

بس انا روحي كنت اقول حرااام قطع نقدية نادرة كيف تفرط فيها عشان ثياب اخرتها بتنعق

حلو الواحد ايمع هاي العملات ويحتفظ فيها لانها فعلا كنز!!!

هذيان said...

عزيزتي الدنيا
لو كنت مكانك لما تملكني شعور الأحباط لأنك بالمقابل رأيتي هذة القطع الأثرية النادرة . وكل شئ نادر وأثري يمتاز بالأصالة والرقي .والدك يمتلك هواية جميلة وممتعة ...
شكرآ لمداخلتك في مدونتي , ونفسي أقولك المنظر والمكان كله مقدم بس هناك في بريطانيا يحترمون المال العام ... كذلك نحن هنا ؟
شكرآ حبيبتي والكولكشن الصيفي أحلى يكون والدك خلص من العمال ...

charisma said...

مساء الفل

هههههههههههههههه
اثرى هالفلم ابكل بييت يدوور
شغل الطراره والتدقر
:))))))

مت مت ضحك

يحلوه ابوج الله يحفظه

يالله هم زيين خلانه انتعرف على هالعملات

غرييبه

الاء سعود المجيبل said...

الله يخليلنا امنا وابونا

انا اذا اعلنت افلاسي اروح لهم واقولهم ترى انا اعلنت الافلاس عطونا الله يعطيكم ههههههه....بس اشوه والله ما يقصرون...:)

عملات نادره ... مصيركم بتبيعونها هممممم مادري احساس هههه

;pPp

Anonymous said...

بس كل هالحجي ما فادك..هم طلعتي صفر اليدين..ما عليه ترى هالايام الكل منتف..شخصيا صرت ما اشوف ورقه ملونه على الارض الا وأقرب أتأكد أهيه ربع دينار ولا ورقه من اوراق مجلة الوسيط..:)

www.hamadvision.com

حمد said...

واو

5roofa said...

مشالله قطع نقديه حلوه والله
الله يهنيي فيهاا

لووول و حاسه فيج انا الي عندي معاش و فلست و امبي مستحيه اخذ من اهلي احس فشله جني كبرت على هالسوالف لووول

تهقين اروووح
؟

salamz sweetee...

Q8Disaster said...

انا جذي عندي صندوق صغير حاط فيه عملات من كذا دولة هههه

وعندي عملات الكويت الي عليها امارة الكويت

وفلس كويتي :>

بس مشالله المجموعه الي عند ابوج وايد قويه

Tamer Nabil Moussa said...

كل سنة وانتى طيبة

عيد سعيد عليكى


تحياتى

عثماني said...

هلا اخيتي الدنيا

ما شاء الله الوالد عندة كنز تاريخي

ترى زين يسوي بان وايد حريص عليهم

هالشغلات الناس تدورهم دوارة

الله يحفظ لكم الوالد و يحفظ كنزه

Sara said...

وناااااااسة يالدنيا ونستيني انا غرامي هالسوالف التراثية :)

ترا هذا كنز وديري بالج تفرطين فيه :)

ترا هذا كنز وكنز كبير وثمين وايد :) احتفظي فيه :)

Fahad Al Askr said...

ما عندج بيزات طالبي بكادر

شبــ اون لاين ـــاب said...

بنسيم الرحمه وعبير المغفرة وقبل الزحمه نقول كل عام وانتى بخير

vancouver said...

Eidich mbarak eldenya

how R U dear ??

tabeen asalfich? LOOOOOOOOOL!


I miss you!

الوجد said...

كل عيد وانتي بألف خير عزيزتي



وعساك تعودينه بالصحه والعافيه

Mamloo7a Q8ia said...

هههههههه
عيدج مبارك
واللحين تاخذين العيديه ويروح القحط

Яeema said...

عيدكم مبارك و تقبل الله طاعتكم

Eng_Q8 said...

عيدج مبارك وعساج من عواده

Selezya said...

عيدج مبارك وكل عام وانتي بخير يالغاليه
:*

charisma said...

عيدج مبارك وكل عام وانت بالف خير يالدنيا
:)

5roofa said...

3edej mbaarek sweetee...

slamz love...

Brilliant said...

كل عام و أنتم بخير
و تقبل الله منا و منكم
:)

امبراطـــورة اشعاري said...

صباح الخير الدنيااا..

كل عام وانتي بخير وعيدج مبااارك..

حلوووه حركة ابوووج ضحكني :)))

بس عالأقل خلاج تمسكين الفلوووس ^_^

تقبلي مروري يالغاليه,,

ودمتي بود ^_^

HYPNOTICDOCTOR said...

excelent post
nice blog
3idek mabrouk

تــــ(حـنة)ــــر said...

و الله انتى زى العسل
كل سنه و انتى طيبه
واوعى تفتحى مغارة على بابا دى تانى
تحياتى
تمر حنة

Sn3a said...

طويله الحسا منقشه عندكم
احلى شي صرخه جماهير العربي

السوق اينن عااد:P

أبو شملان said...

الله يهديه الوالد

شيبى فيها مجمعهم

والله لو انا من اقرب سلة قاطها


:)

Barrak said...

انا شراي الصندوق باللي فيه



كبرنا وعيلنا وللحين نطر

david santos said...

Nice posting, thank you


I wish you a good end of 2007 and a good year of 2008.

SHISH said...

WooooOooooW..

very Cool..

i like to collect 3mlaat .. i have some collections but not many ..

and btw nice profile.. keep it up..

:)

Aldenya said...

mtfa2el
صاااج
يكفيني ونص
بس وين اللى يعطي
ماكو ,, خاشهم عنده :>
بالحفظ والصون

/
\
/

moowa6en
معادلتك صحيحة مليون بالامية
كل مرة على نفس هالمنوال
نعمل ايه :>

/
\
/

Q8i_Blogger
اصلا هالمجلات حاطه دوبها دوبنا
يعني يدرون فينا احنا يالبنات
من شفنا لبس ولا جنطة يديدة
قلوبنا تفرفر عليهم
والمعاش الله بالخير
طاير من اول 10 ايام من الشهر
وباجي الشهر
نسوي بالضبط اللى قاله " مواطن " بالرد
حتى لو غرقنا عمرنا بالدموع على قولتك
ماراح يعطيني عملة من هالعملات
:/

/
\
/

U_SF
الله يسلمك
ومشكور على هالدعوة الطيبة
والله يحفظ كل اللى تحبهم وتغليهم
اشكرك جدا جدا على حضورك
:>

/
\
/

Q80MINI
التجوري من النت
اما العملات عملات البابا
:>

Aldenya said...

Selezya
ايه يبا ايه
منو قدج
دلوعة ابوها
انا ابوي مدلعنا كلنا
بس لا نيي صوب اغراضة :>
الله يخليج حق والدينج
ويحفظهم لج :>

/
\
/

فتى الجبل
" هههههههههه"
اتهقى أتملين من ورا المسايد
:p~

/
\
/

اشراقة فتاة
لو معطيني ياهم
ذيج الساعة
افكر اشتري ملابس ولا اشترى ملابس :>
مشكورة يااشراقة على حضووورج


/
\
/

ManalQ8

لاتحاتين
البيبان مفوله قفول ومفاتيح
واصلا عقب هالموضوع
حطينا أسلاك شائكة صوب دار أبوي :>
الخوف وما يعمل

وأبو رفيجتج
لو يتعرف على أبوي
تلقينهم يسوون متحف للآثار والشغلات القديمة
:>


/
\
/

Eng_Q8
ليش جذي يا انجج ــج ج ج
ضيقت خلقى على هالرد
طلعت قدساوي ي يي ع ع
:p~

Aldenya said...

ス ♥•:*'˙ ريـــــمـــيــة˙*:•♥ス
اي والله
صاااجة
شنسوي
يدرون انه احنا هوايتنا التشري والتسوق
يمسكوننا من ايدنا اللى تعورنا :/
:>
ومشكوورة يا قمرر على اطرائج :>

/
\
/

أبوسويلم

الحين تبي تدور شخص يسلفني ويسلفك :/
بدال لا تقول لي
فداج ربعمية فدان
:/
عاد تدري
انا اخترت هالمجموعة بالذات
عشانكم
ومتشكرة اوي على مرورك :>

/
\
/

عالية
ما اظن انه بيعطيني ياهم
لو أبجي على قولت كويتي بلوقر
لو ابجي من الحين لي باجر

:<


/
\
/

يعقوبو
ليش تعطيهم حق حفيدك
عطني ياهم
ورانا كسوة الشتا ما اخلصت
:p~

/
\
/
Salah
بصراحة
اللى شفته عند الوالد
خلاني
افتخر فيه
واعتز بهوايته الجميلة والرائعة

:>

شكرا استاذ
وتحياتك توصل ان شاءالله

Aldenya said...

عاشقه الفردوس
افا عليج بس
انتي تامرين يا عاشقة
:>

\
/
\

AnGlOpHiL
ما اقدر ابيعهم
تم وضع الشمع الأحمر عليهم
:<

/
\
/

Najmah
حبتج العافية يا نجمتنا

:>


/
\
/

خونمم
لو عطاني جزء منهم
بعطيج جزء من اللى عندى
بس
ده اللى مش ممكن يحصل
مشكوورة وايد على حضورج وخفة طينتج
:>

/
\
/

Very.Q8ya
آميــــن
ولج نفس هالدعوة يالغالية
وعلى قولتج
ما بقى شي على المعاشات
فوق 15 يوم
:>
الله يصبرنا

/
\
/

الحارث بن همّام
كان غيرك أشطر

:P~

dreams said...

السلام عليكم
كيف حالك
هذه موقعتي http//www.cutiecard.com

Aldenya said...

ezain_kilah
عيل الله ستر عليّ وحبني
لأني ما بعت شي ولا جان صرت في عداد الأموات :p~
وترى الجينز حلو والجاكيت حلو
بس لازم التغيير :>


/
\
/

الفـجـــ الـبـعـيـد ــر
فعلا
حرام هالقطع الفنية تُباع
لانه فعلا كنز كبير يالفجر
اشكرك جدا جدا على حضورج
والملابس
آخرتها بتنقط
بس كله من قلبي :p~



/
\
/

هذيان
لا أكذب عليك
عندما رأيت هذه القطع الأثرية
بكميتها وأشكالها وتواريخها المختلفة
تملكني الشعور بالافتخار والاعتزاز
من كون والدي يملك هذه القطع الرائعة
حتى شعور الرغبة بشراء الثياب
تلاشت
ولكن
تعرفين سوالف البنات
اقصد بعض البنات وانا اولهم :>
ومشكورة جدا جدا لحضورج

/
\
/


charisma
الظاهر ان هالمسألة
بجينات البنات
لازم هالحنة والطرارة
ولا مانطلع بنات
:>
مشكوووورة كريزما الغالية :>


/
\
/

Q8ya
تهقين يبعها ابوي
ولا أنا أقوم بعملية السطو :>
وبيني وبينج
ما أظن :>
هذه هواية الوالد
وهي هواية قديمة
مستحيل يفرط بأي جزء منهم
والله يخلي لنا كل اللى نحبهم ونودهم
:>

Aldenya said...

حمد
ههههههههههههه
شوف لي اي درجة وصلنا
:/
واحنا الله يهدينا ما نخش حق اليوم الاسود
كله صرف في صرف

/
\
/

Lc
مشكور
:>

/
\
/

حمد
هاء
:>


/
\
/

خرووووفة
لا
لا
لا
لا تقولين كبرنا
احنا ليما الحين
يهال واصغار بعيون أبهاتنا
روحي يختي
وربنا ينصرك
:p~


/
\
/

Q8Disaster
والله
احسن شي مسويه
ميمع " امارة الكويت " أنا كل تكون عندي خردة ما أجيك إن كان فيها امارة او لا
:/
بس اهنيك


/
\
/

Tamer Nabil
وان شاءالله تنعاد عليكم
بكل الحب والخير والسلام
مشكووور :>


/
\
/

عثماني

هلا فيك هلا
تدري ان ابوي يُصنف من هالناس
اللى يدرون على العملات
اشرايك انه مرة سافر دولة معينه
شرا عملات ورد
:>
شوف الهواية شتسوي :>

Aldenya said...

Sara
رضاكم دووم يهمنا
:>
مشكورة يا عسل على اعجابج بالعملات

/
\
/

فهد العسكر
تهقى يعطوني
ولا يعلقوني !!

/
\
/

شبــ اون لاين ـــاب
وانتوا بخير وصحة وسلامة

/
\
/

vancouver
انتي اللى وين
ووين غاطه
فقدناااااااااااج
والله اني استانست يوم شفت يوزرج
وخصوصا وانج بتسلفيني
:p~

/
\
/

الوجد
الله يسلمج ويخليج
وكل عام وانتي بألف خير

/
\
/

Mamloo7a Q8ia
خذيناها وصرفناها
والحين انا ناطره عيد الفطر السعيد
:>

/
\
/

Eng_Q8 & ريما & سيليزيا & كريزما

وانتوا بألف خير وصحة وعافية
وكل سنة وانتوا دوم بخير
:>

Aldenya said...

خروفة & Brilliant
وانتوا بألف خير
وكل سنة وانتوا طيبين
:>

/
\
/

امبراطـــورة اشعاري
هلاااااااااااا
هلا وغلا
انتي ويييييييييييييييين
اختفيتي فجأة
الحمدلله على سلامتج
وسعيدة جدا لعودتج لعالم المدونات
وكل سنة وانتي بألف خير


/
\
/


HYPNOTICDOCTOR
مشكور يا دكتور على الاطراء
:>


/
\
/

Tamr7na
ياهلا بريحة الفل
كل نة وانتى بخير
ومتحاتيش
مش حفتح المغارة دي تاني
:>


/
\
/

Sn3a
ااااااااخ ياسنعة
السوق مو بس اينن
الا فضيع ويعور القلب
بس الحمدلله
حاليا
الجيب مليان
بس ادري بنفسي
ماراح يمر الشهر إلا وانا متجهة للطرارة من يديد
:>


/
\
/

أبو شملان
تقول احلام
المطربة الخليجية المعروفة
" واللى مايطول العنب .. حامض عنه يقول "
منصجك يا بوشملان ابوي يفكر يقطهم
هذا من سابع المستحيلات
:/


/
\
/

برااك
الطرارة مافيها عمر
تصلح لكل الاعمار
:p~

/
\
/

david santos
thank you and i hope for u to
:}

/
\
/


SHISH
هلا فيج هلا
حلو انه تكون عندج هواية وتحاولين تنمينها
انا انصحج انج تستمرين بهالهواية
ويمعي عملات وسويلج كولكشن
نفس اللى عند ابوي واحسن ان شاءلله
ومشكوورة جدا على اطرائج يا عسل